Aktivitetit të monitorimit të cilësisë së ujit i shtohen edhe 4 stacione në Lagunën e Karavastasë. Monitorimi i cilësisë së ujit, i pilotuar me mbështetjen e UNDP, do të vijojë të zbatohet nga AdZM Fier në zonat ku edhe presionet antropologjike janë më të theksuara.
Programi i monitorimit është iniciuar në kuadër të projektit “Përmirësimi i Qëndrueshmërisë Financiare të Sistemit të Zonave të Mbrojtura në Shqipëri” i cili zbatohet nga UNDP në partneritet me Ministrinë e Turizmit dhe Mjedisit dhe Agjencinë Kombëtare të Zonave të Mbrojtura.